Qazaqstanda dızel otyny jetkilikti óndiriledi – Dáýren Qarabaev
«Samuryq-Qazyna» qorynyń Telegram kanalynda ótken brıfıng barysynda Dáýren Qarabaev «QazMunaıGazdyń» barlyq munaı óńdeý zaýyttary shtattyq rejımde jumys isteıtindigin jáne munaı óńdeý ónimderin, sonyń ishinde dızel otynyn jetkilikti óndiretindigin basa aıtty. Sonymen qatar ol «QazMunaıGaz» Qazaqstan ishinde jáne shet elderde munaı ónimderine suranystyń aýytqýyna áser ete almaıtynyn atap ótti.
Seısenbi kúni Úkimet otyrysynda QR Energetıka mınıstri Bolat Aqsholaqov elimizde dızel otyny boıynsha otyn satýda shekteýler, ıaǵnı, talondar men kartalar boıynsha otyn jiberýge kóshý, lımıtter belgileý baıqalatyndyǵyn aıtqan edi.
Esterińizge sala ketsek, 22 tamyzda Energetıka mınıstriniń «Munaı ónimderin bólshek saýdada ótkizýge shekti baǵalardy belgileý týraly» buıryǵy kúshine endi. Buıryqqa sáıkes baǵalar saralanady. Júrgizýshi kýáligi bolǵan jaǵdaıda lımıt táýligine qoldanystaǵy baǵasy 230-260 teńge bolatyn 100 lıtr dızel otynyn quraıdy. Júrgizýshi kýáligi men teh pasport bolǵan kezde júk kóligi úshin lımıt táýligine 300 lıtr bolady. Qalǵan adamdar tobyna, sondaı-aq kórsetilgen kólemderden joǵary dızel otyny 450 teńgeden beriledi.
