Qazaqstanda dıplomatııalyq korpýs qyzmetkerlerin vaktsınalaý júrgizilýde

NUR-SULTAN. QazAqparat - Memleket basshysynyń tapsyrmasy boıynsha Syrtqy ister mınıstrligi Densaýlyq saqtaý mınıstrligimen birlesip, elde akkredıttelgen dıplomatııalyq korpýstyń qyzmetkerlerin jáne olardyń otbasy múshelerin vaktsınatsııalaýdy qamtamasyz etedi, dep habarlaıdy QR SІM baspasóz qyzmeti.

Bul jumys Qazaqstan turǵyndarynyń koronavırýs indetiniń odan ári taralýyna qarsy qorǵalý deńgeıin arttyrý úshin júrgizilýde.

Vaktsınalaýǵa nıet bildirgen 769 sheteldik dıplomattardyń ishinde eń kóbi Nur-Sultanda 496 adam, Almatyda 236 adam, Aqtaýda 27 adam jáne Óskemende 10 adam turady. Olardy vaktsınalaý qalalyq medıtsınalyq ortalyqtarda aqysyz negizde jáne Qazaqstan Respýblıkasynyń barlyq azamattarymen birge jalpy kezek tártibimen júrgiziledi.

Vaktsınanyń ekinshi komponentin alǵannan keıin qyzmetkerlerge jáne olardyń otbasy múshelerine egov mobıldik qosymshasy arqyly tıisti anyqtamalar men elektrondyq vaktsınatsııa pasporty beriledi.