Qazaqstanda dıpfeıkter úshin jaýapkershilik engiziledi
ASTANA. KAZINFORM — Qazaqstanda dıpfeıkterdi jasap, taratqandarǵa jaýapkershilik engiziledi.
Jasandy ıntellekt jáne tsıfrlyq damý vıtse-mınıstri Dmıtrıı Mýn tıisti normalar jasandy ıntellekt týraly zańda bekitiletinin habarlady.
- Dıpfeıkter úshin jaýapkershilik bolady. Jasandy ıntellekt týraly zańda tıisti normalar qamtylady. Osy oraıda JI arqyly jasalǵan ónimder bolsa, tutynýshylar osy jaıynda habardar bolýy tıis. Sondyqtan ákimshilik jaýapkershilikke qatysty jazalaý men tıisti normalar zańnamada qarastyrylady. Biz osy boıynsha jumys tobynyń quramyndamyz - dedi ol Parlament Májilisinde tilshiler suraǵyna jaýap bere otyryp.
Budan buryn habarlanǵandaı, jaqynda Senat tóraǵasy Máýlen Áshimbaev dıpfeık avtorlaryn alaıaqtyq, bopsalaý nemese zańsyz aqsha jınaý úshin jaýapqa tartýǵa shaqyrdy.