Qazaqstanda dinı qaqtyǵystar týyndatatyn esh negiz joq - A. Klıýshev
ASTANA. QazAqparat - Eýrazııalyq mentalıtettiń arqasynda Qazaqstanda dinı qaıshylyqtar, qaqtyǵystar týyndatatyn eshqandaı negiz joq. Mundaı pikirdi Astanada «Búgingi Qazaqstannyń dinı alýandyǵy» taqyrybyndaǵy jıynda Qazaqstannyń dinı birlestikter qaýymdastyǵynyń dırektory Aleksandr Klıýshev bildirdi.
«Qazirgi tańda Qazaqstandaǵy eýrazııashyldyq mentalıtettiń toleranttylyǵy arqasynda dinı qaqtyǵystar úshin eshqandaı da salmaqty alǵysharttar joq ekendigin aıtýymyzǵa bolady. Árıne, Iraktaǵy, Sırııadaǵy sońǵy jaǵdaılar belgili bir qaýipterdiń de bar ekenin aıǵaqtaıdy. Degenmen, osynyń ózi bizdiń qaýymdastyqtyń qyzmetindegi jaýapkershilikti odan saıyn arttyra túsirmek», - dedi A.Klıýshev.
Onyń aıtýynsha, Qazaqstanda toleranttylyq rýhyndaǵy túrli baǵyttaǵy dıalogty damytýdyń, adamdar arasyndaǵy izgi ózara qarym qatynasty nyǵaıtýdyń mańyzy zor.
«Jalpy, barlyq konfessııalardyń syndarly suhbat jasap turýy - Qazaqstanda ǵana emes, kez kelgen álem elderinde turaqtylyqtyń saqtalýy men beıbitshilikti nyǵaıtýǵa aparar eń basty joldardyń biri», - dedi qaýymdastyq basshysy.
