Qazaqstanda din máselesi boıynsha 170-ten astam aqparattyq-nasıhattaý toby bar

Bul týraly búgin Astanada ótken dóńgelek ústelde QR Din isteri agenttigi tóraǵasynyń orynbasary Ǵalym Shoıkın málim etti.

Onyń sózinshe, atalǵan toptar 2012 jyly 200 myńnan astam adamdy qamtı otyryp, 3,5 myńǵa jýyq is-sharany ótkizdi.

Sonymen qatar, tóraǵa orynbasary elimizde qabyldanǵan din týraly zańnama men qurylǵan Din isteri agenttigi Qazaqstandaǵy din salasy máselesine ońtaıly áser etkenin sóz etti.

«Eldegi dinı qatynastardy retteıtin jańa quqyqtyq baza qysqa merzimde qalyptasty. Osy bazanyń aıasynda, qaýipsizdik múddesine sáıkes dinı qyzmettiń jáne dinı birlestikterdiń jumys isteýiniń quqyqtyq aspektileri naqtylandy. Mıssıonerlik qyzmettiń máselesi retteldi», - dedi ol. Osy oraıda Ǵ. Shoıkın saladaǵy basqa da ózekti máseleler zańnama aıasynda tıisti túrde tártipke keltirilgenin qadap aıtty.