Qazaqstanda DiDi taksı qyzmeti jabylatyn boldy
NUR-SULTAN. QazAqparat – 4 naýryzdan bastap Qazaqstandaǵy DiDi taksıi óz qyzmetin toqtatady, dep habarlaıdy QazAqparat.
«Biz DiDi-degi mıssııamyzdy – kúndelikti ómirdi yńǵaıly etý dep bilemiz, ıaǵnı jolaýshylar men seriktester úshin eń jaqsy servısterdi usynǵymyz keledi. Ókinishke qaraı, budan bylaı Qazaqstanda muny qamtamasyz ete almaımyz, osyǵan baılanysty DiDi 2022 jylǵy 4 naýryzdan bastap eldegi jumysyn toqtatady», - dep jazylǵan kompanııanyń Facebook paraqshasynda.
Jolaýshylar men júrgizýshiler 4 naýryzǵa deıin DiDi taksı qyzmetin ádettegideı qoldana alady.
«Bizdiń qyzmet iske qosylǵan sátten bastap qoldaý kórsetken búkil júrgizýshiler men jolaýshylarǵa alǵys aıtqymyz keledi. 4 naýryzǵa deıin DiDi ádettegideı jumys isteıdi» - dedi taksı qyzmeti.
Aıta keteıik, DiDi – taksı, karsherıng jáne raıdsherıng qyzmetterin kórsetetin qytaılyq konglomerat.
Kompanııa 2012 jyly Beıjiń qalasynda qurylǵan.
Qazirgi ýaqytta kompanııa Eýropa, Azııa, Aýstralııa, Latyn Amerıkasyndaǵy elderde mıllıondaǵan adamǵa qyzmet kórsetedi.
