Qazaqstanda dıagnostıka jasaý ýaqyty 4 ese qysqardy — Prezıdent tsıfrlyq tehnologııalar týraly
ASTANA. KAZINFORM — Memleket basshysy Qasym-Jomart Toqaev medıtsına qyzmetkeri kúnine arnalǵan saltanatty is-sharada JI men tsıfrlyq tehnologııalardy medıtsınada qoldanýdyń alǵashqy nátıjelerine nazar aýdardy.
— Qazaqstan ozyq tehnologııalardy barlyq salaǵa, sonyń ishinde medıtsınaǵa belsendi túrde engize bastady. Bul — zaman talaby. Osy bastama qazirgi tańda otandyq densaýlyq saqtaý salasyn damytýǵa tyń serpin berip jatyr desek, qate bolmaıdy. Tsıfrlyq tehnologııanyń arqasynda dıagnostıka jasaý ýaqyty tórt esege qysqardy. Sondaı-aq qaterli isikti anyqtaý kórsetkishi 30 paıyzǵa artty, — dedi Prezıdent.
Sonymen birge, jasandy ıntellekt dárigerlerge kúrdeli klınıkalyq sheshimderdi qabyldaýǵa septigin tıgizip otyr.
— Búginde elimizdegi 1800-den astam medıtsınalyq mekeme tsıfrlyq formatqa kóshirildi. Aqparattyq júıelerdi ózara baılanystyrý, ıaǵnı, ıntegratsııalaý arqyly ákimshilik júkteme 40 paıyzǵa deıin tómendedi. Biz bul baǵyttaǵy jumysty mindetti túrde jalǵastyra beremiz, — dedi Qasym-Jomart Toqaev.
Aıta keteıik, Aqordada Prezıdent medıtsına qyzmetkerlerin kásibı merekesimen quttyqtady. Elimizde maýsymnyń ər úshinshi jeksenbisi — medıtsına qyzmetkerleriniń kúni. Bul kúndi atap ótý QR Prezıdentiniń 1998 jylǵy Jarlyǵymen belgilengen.
Jańa Konstıtýtsııada «ult saýlyǵy» uǵymyna alǵash ret nazar aýdaryldy.
Prezıdent medıtsına qyzmetkerlerine kúsh kórsetken adamdardy qylmystyq jaýapkershilikke tartý týraly da pikir bildirdi.
Sondaı-aq, Memleket basshysy qoǵamdyq oryndarda ádep saqtaý máselesin kóterdi.
Bıyldyń ózinde medıtsına mamandarynyń jalaqysyn ósirýge 33 mıllıard teńge bólingen.
Al Astana medıtsına ýnıversıtetine Tóregeldi Sharmanovtyń esimi beriletini belgili boldy.
