Qazaqstanda dıabetpen aýyratyndar sany artty
Fılıal dırektory Tileýhan Ábildaevtyń aıtýynsha, Qazaqstanda dıabetten zardap shegetinderdiń sany 2013 jyly 208 myń shamasynda bolsa, búgingi tańda 309 myńǵa jetip otyr.
«Dúnıejúzilik densaýlyq saqtaý uıymynyń statıstıkasyna súıensek, dıabetpen aýyratyndar sany búkil álemde artyp otyr. 1980 jyly 108 mln bolsa, 2014 jylǵa kelip bul kórsetkish 422 mıllıonǵa jetken», - deıdi ol.
Dıabetpen aýyratyn qazaqstandyqtardyń kópshiligi (291 myń adam) onyń ekinshi tıpinen zardap shegedi. Halyqaralyq mamandardyń pikirinshe, buǵan qazirgi adamdardyń mol kalorııaly tamaq jep, az qımyldaýy sebep bolyp otyr.
Qazaqstanda dıabetten emdeý tegin. Ol memleket kepildeıtin medıtsınalyq kómekter qataryna kiredi. Jańa model engizilýine baılanysty, qazirgi passıvtik dıspanserleý saıasaty belsendi dınamıkalyq baqylaýmen almastyrylady.
«Sonymen qatar, dıagnostıkalyq qyzmetterdiń, mamandar qyzmetteriniń qajetti bazalyq kólemi beriledi, dárilik quraldarmen ambýlatorlyq negizde tegin qamtamasyz etýdiń qazirgi kepilderi saqtalady», - dedi T. Ábildaev.
Qazirgi kezde memleket kepildeıtin medıtsınalyq kómekter aıasynda 48 dári-dármek jáne medıtsınalyq ónimder, sonyń ishinde shprıtster, test-jolaqtar, glıýkametrler, ınsýlın sorǵylary, ınsýlınniń 22 túri beriledi.