Qazaqstanda Densaýlyq saqtaýdyń biryńǵaı ulttyq júıesin engizý jumysy aıaqtalýǵa jaqyn - S.Qaıyrbekova
ASTANA. 15 qarasha. QazAqparat - Búgingi tańda elimizde Densaýlyq saqtaýdyń biryńǵaı ulttyq júıesin engizý jumysy aıaqtalyp keledi.
Bul týraly búgin Astanada ótken jıynda QR Densaýlyq saqtaý mınıstri Salıdat Qaıyrbekova málim etti.
«Ózderińiz jaqsy bilesizder, oǵan sáıkes (avtor - Densaýlyq saqtaýdyń biryńǵaı ulttyq júıesi), el azamattary densaýlyq saqtaý mekemesin óz erkimen tańdaı alady. Búginde ondaı múmkindikti naýqastardyń 30 paıyzy paıdalanyp otyr», - dep atap ótti S.Qaıyrbekova jıynǵa qatysýshylarǵa qaratyp aıtqan sózinde. Mınıstr atap kórsetkendeı, 2015 jylǵa qaraı respýblıka boıynsha taǵy 350 ambýlatorııa, feldsherlik-akýsherlik beketter men emhanalar salynady.
