Qazaqstanda densaýlyq saqtaý júıesinde MJS damytý boıynsha Jol kartasy jasaldy - E.Birtanov

ASTANA. QazAqparat - Taıaýdaǵy 4 jylǵa densaýlyq saqtaý júıesinde memlekettik-jeke menshik seriktestikti damytý boıynsha Jol kartasy jasaldy, dep habarlady www.primeminister.kz QR densaýlyq saqtaý jáne áleýmettik damý mınıstri Eljan Birtanovqa silteme jasap.

«Memlekettik-jeke menshik seriktestikke qatysty, bizdiń Úkimettiń strategııalyq qujattarynda densaýlyq saqtaý salasynda, atap aıtqanda 2019 jylǵa deıin densaýlyq saqtaýdy damytýǵa tolyq bir bólim bólingen, ol - ınfraqurylym men MJS damytý. Jalpy, QR Úkimeti men Densaýlyq saqtaý jáne áleýmettik damý mınıstrligi jeke sektordyń densaýlyq saqtaýǵa qatysýyn keńeıtýdi jalpy joǵary orynǵa qoıady», - dedi ol «Atameken» Ulttyq kásipkerlik palatasynda densaýlyq saqtaý salasyndaǵy memlekettik-jekemenshik seriktestikti damytý jónindegi otyrys barysynda.

Ol úshin, vıtse-mınıstrdiń aıtýynsha, birneshe tetikter ázirlengen.

«Eń aldymen bul jeke sektor densaýlyq saqtaý salasyna belsendi enýi úshin barlyq ákimshilik kedergilerdi alyp tastaý jáne ózge de tetikter. Biz osy baǵytta jumys jasap, salalyq vedomstvo qoıǵan talaptar boıynsha sóılesýdi jalǵastyrýǵa daıynbyz. Ekinshi baǵyt - ol medıtsınalyq qyzmetter kórsetýdegi qazirgi jeke sektorǵa qoldaý kórsetý, olar búginde kepildendirilgen tegin medıtsınalyq kómek kólemi paketine enedi», - dedi E.Birtanov.