Qazaqstanda densaýlyq saqtaý týraly jańa kodeks əzirlenýde
Bul týraly OKQ-de ótken baspasóz maslıhatynda QR densaýlyq saqtaý vıtse-mınıstri Alekseı Tsoı məlim etti.
«Elbasy tapsyrmasyna səıkes, osy jyldyń basynan «Halyq densaýlyǵy jáne densaýlyq saqtaý júıesi» týraly jańa kodeksti qaıta ázirleý qolǵa alyndy», -dedi densaýlyq saqtaý vıtse-mınıstri.
Densaýlyq saqtaý mınıstriniń orynbasary jańa kodeksti əzirleý barysynda basty baǵyttar retinde QR 2025 jylǵa deıingi strategııalyq jospary, Qazaqstannyń əlemniń 30 damyǵan eliniń qataryna qosylý jəne «Qazaqstan-2050» strategııalyq damý jospary basshylyqqa alynǵanyn aıtty. A.Tsoı búginde kodeks jobasynyń tujyrymdamasy daıyn ekenin aıta kele:
«Zań jobasy kelesi 7 bólimnen turady: jalpy erejeler, qoǵamdyq densaýlyq saqtaýdy qorǵaý, medıtsınalyq kómek kórsetýdi uıymdastyrý, bilim jəne ǵylym qyzmeti, farmatsevtıka qyzmeti jəne dəri-dərmek qarajatyn qarastyrý, adamı resýrstar júıesi jəne densaýlyq saqtaý salasyndaǵy quqyqtyq aspektiler»,-dedi.
Spıkerdiń aıtýynsha, əzirlený ústindegi zańnama uzaqmerzimdi, tıimdi jəne densaýlyq saqtaý modeline tolyqtaı jaýap beredi.
«Jańa kodekstiń maqsaty - qoldanystaǵy zańnamany negizge ala otyryp, qoǵamdyq densaýlyq saqtaýdy jaqsartý, medıtsınalyq bilim berý júıesin jetildirý jəne tsıfrly júıege kóshe otyryp sapaly qyzmet kórsetý», - dedi vıtse-mınıstr.