Qazaqstanda densaýlyq saqtaý salasyndaǵy akkredıtatsııalaý jónindegi 160 ınspektor daıarlanady
ASTANA. 25 naýryz. QazAqparat - Astanada aldaǵy aptada ótetin respýblıkalyq semınarda alǵash ret elimizde densaýlyq saqtaý salasyndaǵy akkredıtatsııalaý jónindegi 160 ınspektor daıarlanady,
dep habarlaıdy pm.kz saıty Respýblıkalyq densaýlyq saqtaýdy damytý ortalyǵyna silteme jasap.
«26 naýryzda Astanada respýblıkalyq semınar ótedi, onyń barysynda densaýlyq saqtaý salasyndaǵy akkredıtatsııalaý jónindegi 160 ınspektor daıarlanady», - delingen vedomstvo habarlamasynda.
Oqýdan ótken ınspektorlar statsıonarlyq jáne ambýlatorlyq-emhanalyq kómek kórsetetin, onyń ishinde transfýzıologııalyq jáne emhanalyq qyzmetter kórsetetin medıtsınalyq mekemelerdi akkredıtatsııalaýdyń jańartylǵan standarttaryn, sondaı-aq jedel medıtsınalyq járdem standarttary men halyqaralyq standarttarǵa sáıkestikti syrtqy baǵalaý ádistemelerin testileýge qatysady.
Qazaqstanda 2011 jyldan bastap densaýlyq saqtaý salasyndaǵy sapa jónindegi halyqaralyq qoǵamnyń talaptary negizinde medıtsınalyq mekemelerdi akkredıtatsııalaýdyń ulttyq standarttaryn jańartý úderisi júrýde, sondaı-aq akkredıtatsııalaýdyń jańa standarttary ázirlendi.
