Qazaqstanda densaýlyq saqtaý salasyna qansha ınvestıtsııa kerek

ASTANA. QazAqparat - Densaýlyq saqaý salasyndaǵy ınfraqurylymǵa qomaqty qarjy qajet bolyp tur. Bul týraly Senatta memlekettik-jekeshelik áriptestik taqyrybyna arnalǵan dóńgelek ústel otyrysynda QR Densaýlyq saqtaý vıtse-mınıstri Lázzat Aqtaeva málim etti, dep habarlaıdy QazAqparat.

«Respýblıkada halyqqa medıtsınalyq qyzmetterdi 7 myńnan astam ambýlatorııalyq-emhanalyq nysandar jáne 800-den astam statsıonarlyq kómektiń nysandary iske asyrady. Olardyń ishinde 80-ge jýyǵy memlekettik. Atalǵan nysandardyń tozýy 50 paıyzdan asyp otyr. Medıtsınalyq tehnıkamen jabdyqtalý deńgeıi 70 paıyzdy qurady, sonymen birge onyń tozý kórsetkishi 35 paıyzǵa jetti. Atalǵan máselelerdi sheshý úshin densaýlyq saqtaý salasyna 1 trln teńgege jýyq ınvestıtıtsııa tartý kerek. Bul turǵyda osy qajettiliktiń qandaı kólemin jeke ınvestıtsııalar esebinen iske asyrýǵa bolady degen suraq týyndap otyr. Osyǵan baılanysty medıtsınalyq uıymdar jelisin josparlaý ınfraqurylymdy damytýdyń óńirlik perspektıvaly josparlar deńgeıinde júıelenedi», - dedi Aqtaeva.

Onyń sózine qaraǵanda, qazirgi kezde óńirlermen birlese osy josparlardy daıarlaý boıynsha jumystar aıaqtalýǵa taıaý.

«Endi ınvestorlar úshin qaı oblysta ınfraqurylymdy damytý úshin qandaı baǵyttar bar ekeni túsinikti bolady», - dedi vıtse-mınıstr.

Belgili bolǵandaı, búginde densaýlyq saqtaýda memlekettik-jekeshelik áriptestik jobalary 138-ge jetken. Onyń ishinde 37-si júzege asyrý kezeńinde, al 101 joba boıynsha qujattar daıarlanyp jatyr.

«138 jobanyń arasynda úsheýi respýblıkalyq mańyzda, qalǵany jergilikti mańyzdaǵy nysandar»,- dedi Lázzat Aqtaeva.

Foto: resurs-m.com