Qazaqstanda demokratııanyń tamyry tereńdeı túsýde - AQSh baıqaýshylar mıssııasynyń pikiri
ASTANA. 4 sáýir. QazAqparat /Marlan Jıembaı/ - Qazaqstanda demokratııanyń tamyry tereńdeı túsýde. Bul pikirdi búgin elordada ótken Astana men Vashıngton arasyndaǵy beıne konferentsııa barysynda 3 sáýirde ótken QR Prezıdentiniń kezekten tys saılaýyn baqylaýǵa kelgen AQSh-tyń táýelsiz halyqaralyq baıqaýshylar mıssııasynyń ókilderi bildirdi.
AQSh-tyń SІSA Saıası zertteýler ınstıtýtymen ótken beıne konferentsııa barysynda olar 30 naýryz ben 3 sáýir aralyǵynda elimizdiń 9 saıası partııasynyń jetekshilerimen jáne múshelerimen, Saılaý komıssııasynyń laýazymdy tulǵalarymen, Úkimettik emes uıymdardyń ókilderimen kezdesý ótkizgendikterin atap ótti. Mıssııa músheleri saılaý kúni Qaraǵandy, Pavlodar, Aqmola, Almaty oblystarynda, Astana men Almaty qalalarynda bolyp, 65 saılaý ýchaskesindegi daýys berý barysyn qadaǵalaǵan.
Beıne konferentsııa kezinde elimizdegi saılaý úrdisin qadaǵalaǵan top áńgimelesýshi tarapqa aldyn ala málimetterge sáıkes, Prezıdent N.Nazarbaevqa saılaýshylardyń 95,57 paıyzy óz daýystaryn bergendigin, jalpy daýys berýge Qazaqstan halqynyń 89,9 paıyzy qatysqandyǵyn aıtty.
Olardyń paıymynsha, bundaı kórsetkish Qazaqstan halqynyń ulttyq turaqtylyqty jáne barlyq qazaqstandyqtardyń ál-aýqatynyń ósýin qamtamasyz etken jetekshiniń saıası muragerligin saqtaýǵa umtylysyn kórsetetindigin bildiredi.
