Qazaqstanda demalys kúnderi jaýyn-shashyndy bolady
ASTANA. QazAqparat - Qazaqstanda demalys kúnderi jaýyndy bolyp, keı jerlerde jeldiń kúsheıýi boljanýda, dep habarlaıdy QazAqparat Qazgıdrometke silteme jasap.
«Qazaqstannyń kóptegen aýmaqtarynan jaýyn-shashynnyń qysqa merzimge toqtaýyn shaqyrǵan antıtsıklon, aldaǵy birneshe táýlikte Shyǵys Sibirdiń ońtústigine oıysady. Onyń ornyna Reseıdiń Eýropalyq bólikterinen Batys Sibirge qaraı aýǵan tsıklonmen baılanysty, atmosferalyq fronttar jyljyp keledi. Respýblıkanyń kóptegen bólikterinde aldymen jyly, sodan keıin sýyq fronttar yqpalynan jańbyr jaýyp, naızaǵaı jarqyrap, keı jerlerde qatty ekpindi jel soǵyp, burshaq bolady dep kútilýde» - delingen sınoptıkterdiń boljamynda.
Meteorologtardyń málimetinshe, Qazaqstannyń ońtústigi, ońtústik-shyǵysy men shyǵysynda basymyraq taýly jáne taý bókteri aýdandarynda ótkinshi jańbyr men naızaǵaı kútilýde, osy rette aýa temperatýrasy klımattyq normadan 3-6 gradýsqa joǵary, al qalǵan aýmaqta normadan 2-4 gradýsqa tómen bolady.
