Qazaqstanda demalys kúnderi jańbyr jaýyp, kún sýytady
ASTANA. QazAqparat - Sınoptıkter Qazaqstandaǵy 22-24 qyrkúıekke arnalǵan aýa raıy boljamyn usynady, dep habarlaıdy QazAqparat.
«Kúzgi kún men túnniń teńesýi kúni astronomııalyq kúz bastalady. Osyǵan baılanysty, respýblıkanyń basym oblystarynda jańbyrly ári sýyq aýa raıy kútiledi. Bul Qazaqstanǵa Batys Sibirden yǵysatyn salqyn atmosferalyq fronttar men tsıklonǵa baılanysty», delingen «Qazgıdromet» RMK-nyń habarlamasynda.
Tek respýblıkanyń batys oblystarynda ońtústik-batystan kelgen troposferalyq aǵyndar men joǵary atmosferalyq qysymǵa baılanysty aýa raıy jyly jáne jaýyn-shashynsyz bolady dep kútilýde.
