Qazaqstanda demalys kúnderi kún sýytady
ASTANA. QazAqparat - Qazgıdromet 27-29 qazan kúnderiniń aýa raıy boljamyn jarııalady, dep habarlaıdy QazAqparat.
Sınoptıkterdiń boljamyna qaraǵanda tosyn kelgen jyly kúnderden soń Qazaqstanda aýa raıy ózgere bastaıdy.
Respýblıkanyń batysyna jetken sýyq aýa aǵyndarymen baılanysty belsendi bultty massıv demalys kúnderi shyǵysqa qaraı jyljyp, Qazaqstannyń búkil aýmaǵynda aýa temperatýrasyn tómendetedi, soǵan baılanysty birshama óńirde jańbyr jáne qar aralas jańbyr jaýýy múmkin.
