Qazaqstanda demalys kúnderi kún kúrkirep, jańbyr jaýýy múmkin
ASTANA. QazAqparat - Kezekti belsendi tsıklon Batys Sibirge jyljyp, osyǵan baılanysty sýyq arktıkalyq jáne arktıkalyq aýa aǵyndary Qazaqstannyń aýa raıyna yqpal etedi, dep habarlaıdy «Qazgıdromet» RMK baspasóz qyzmeti.
Respýblıkamyzdyń aýmaǵy arqyly aýysatyn aýa aǵyndary jańbyr, naızaǵaı, keı jerlerge burshaq shaqyrady, jeldiń uıytqýy 15-20 jáne ekpini 23-28 m/s bolýy múmkin. Eger aldaǵy eki táýlikte kóptegen oblystarda (batysty qospaǵanda) aýa temperatýrasy qalypty jaǵdaıda nemese normadan joǵary bolady dep kútilse, dúısenbi kúni Qazaqstannyń barlyq aýmaǵynda temperatýra klımattyq normadan 3-6º S-qa tómendeıdi.
Astana qalasyna arnalǵan konsýltatıvtik aýa raıy boljamy
3 maýsym: kún ala bultty, kúndiz ótkinshi jańbyr jaýyp, naızaǵaı oınaıdy. Ońtústik-batystan soqqan jeldiń ekpini 9-14 m/s-qa jetedi. Aýa temperatýrasy túnde +15+17°S, kúndiz +29+31°S.
4 maýsym: kún ala bultty, tańerteń jáne kúndiz keı jerlerde jańbyr jaýyp, naızaǵaı oınaıdy. Ońtústikten soqqan jel soltústik-batysqa qaraı aýysyp, onyń ekpini 9-14, kúndiz 15-20 m/s-qa jetedi. Aýa temperatýrasy túnde +15+17°S, kúndiz +26+28°S.
5 maýsym: kún ala bultty, kúndiz ótkinshi jańbyr jaýyp, naızaǵaı oınaıdy. Soltústik-batystan soqqan jeldiń ekpini - 9-14 m/s. Aýa temperatýrasy túnde +10+12°S, kúndiz +18+20°S.
Almaty qalasyna arnalǵan konsýltatıvtik aýa raıy boljamy
3 maýsym: kún ala bultty, jaýyn-shashynsyz bolady. Jeldiń ekpini - 0-5 m/s. Aýa temperatýrasy túnde +15+17°S, kúndiz +29+31°S.
4 maýsym: kún ala bultty, kúndiz ótkinshi jańbyr jaýyp, kún kúrkireıdi. Jeldiń ekpini - 2-7 m/s. Aýa temperatýrasy túnde +17+19°S, kúndiz +28+30°S.
5 maýsym: kún ala bultty, kúndiz ótkinshi jańbyr jaýyp, kún kúrkireıdi. Jeldiń ekpini - 2-7 m/s. Aýa temperatýrasy túnde +15+17°S, kúndiz +28+30°S.
