Qazaqstanda demalys kúnderi burqasyn bolyp, kúshti jel turady
ASTANA. QazAqparat - «Qazgıdromet» RMK aldaǵy demalys kúnderine aýa raıy boljamyn jarııalady.
«Aldaǵy aptanyń demalys kúnderinde eldiń soltústiginde qar jaýyp, burqasyn bolady. Joldyń kórinisi 500 metrge deıin shekteledi. Jeldiń kúshi sekýndyna 15-20, keı jerlerde 25 metr bolady jáne aýa temperatýrasy kóteriledi»,-delingen habarlamada.
Qazaqstannyń ońtústiginde ylǵaldy qar túsip, tuman bolyp, kórinis aımaǵy 200-500 metrge shekteledi. Jeksenbi kúni respýblıkanyń ońtústiginde batystan jyldamdyǵy sekýndyna 20-25 metr jel soǵady. Keı jerlerde jeldiń kúshi sekýndyna 28 metrge deıin jetýi múmkin. Kóp aımaqtarda kóktaıǵaq bolady.
