Qazaqstanda demalys kúnderi aýa raıy qandaı bolady
ASTANA. QazAqparat - «Qazgıdromet» RMK 2018 jylǵy 8-10 qyrkúıekke arnalǵan aýa raıy boljamyn jarııalady, dep habarlaıdy QazAqparat tilshisi.
«Eldiń batys jáne ońtústik oblystarynda antıtsıklonnyń yqpalymen jyly ári jaýyn-shashynsyz aýa raıy saqtalady. Al Qazaqstannyń basqa óńirlerindegi aýa raıyna Batys Sibirden yǵysqan atmosferalyq fronttar áser etedi. Sondyqtan, soltústik, ortalyq jáne shyǵys oblystarda aldaǵy úsh táýlik boıy kún sýytyp, jańbyr jaýýy yqtımal. Aýa temperatýrasy aǵymdaǵy maýsym úshin klımattyq normadan 2-4°S tómen bolady» delingen sınoptıkterdiń habarlamasynda.
