Qazaqstanda demalys kúnderi alabultty bolady
ASTANA. QazAqparat - Aldaǵy táýlikterde Qazaqstannyń barlyq aımaǵy derlik joǵary atmosfera qysymynyń yqpalynda bolady, dep habarlaıdy QazAqparat «Qazgıdromet» RMK málimetterine súıene otyryp,
Aýa raıy alabultty bolady. Shyǵys jáne ońtústik-shyǵys aýdandardy qospaǵanda aýa temperatýrasy klımattyq normadan joǵary, ıaǵnı 2-7ºS bolady.
«Qazgıdromet» RMK málimetterine qaraǵanda, shyǵys jáne ońtústik-shyǵys aımaqtarda aýa raıy normadan 1-3ºS tómen bolady. Alaıda, Reseıdiń eýropalyq bóliginen jyljyǵan atmosferalyq aǵymdar jeksenbi kúni elimizdiń batys, soltústik jáne ortalyq oblystarynda sońy qarǵa ulasatyn jaýynnyń jaýýyna sebepshi bolady. Jaýyn dúısenbige kúni de jaýady.
Respýblıkanyń soltústigi men ortalyǵynda túngi ýaqytta tuman túsip, kóktaıǵaq bolady. Al, Qazaqstannyń ońtústigi men ońtústik-batysy jáne ońtústik-shyǵysynda aldaǵy úsh táýlikte aýa raıy jyly ári jaýyn shashynsyz bolady.
