Qazaqstanda demalys kúnderi 25 bala ys tıip ýlanǵan
ASTANA. QazAqparat - 6 jáne 7 qańtar kúnderi respýblıka boıynsha 33 adam ys pen tabıǵı gazdan ýlanyp, 1 adam qaza tapqan, dep habarlaıdy «QazAqparat» HAA QR ІІM TJK-ǵa silteme jasap.
Qutqarýshylar qazaqstandyqtardy jylytý kezeńinde órt qaýipsizdik erejelerin saqtaýǵa shaqyrýda.
2017-2018 jyldardaǵy jylytý kezeńinde (2017 jyldyń 15 qazanynan 31 jeltoqsanyna deıin) ys pen tabıǵı gazdan ýlaný saldarynan 24 adam qaza taýyp, 149 adam jaraqat alǵan.
Qaza tapqandardyń kóbi (46%-y) - 11 adam murjanyń bitelip qalýy saldarynan qaıtys bolsa, pesh qurylymyndaǵy jaryqshaq saldarynan - 8 adam (34%), turmystyq gaz qurylǵysyn qoldaný kezinde talaptardyń buzylýynan 4 adam (17%), aqaýy bar pesh qurylǵysyn paıdalaný saldarynan 1 adam (3%) mert bolǵan.
QR ІІM TJK aýmaqtyq bólimsheleriniń qyzmetkerleri turǵyndar arasynda udaıy úgit-nasıhat jáne profılaktıkalyq jumystar júrgizip jatyr.
