Qazaqstanda demalys kezinde 25 myń bala shıpajaıǵa jiberildi

ASTANA. QazAqparat - Bıyldyń basynan mektepterde saýyqtyrý sharalary kúntizbesi júzege asyryldy. Bul týraly búgin halyqqa esep berý kezdesýinde QR Densaýlyq saqtaý jáne áleýmettik damý mınıstri Tamara Dúısenova málim etti.

«Jyl basynan mektepterde saýyqtyrý sharalary kúntizbesin júzege asyrýdy bastadyq. Nátıjesinde, qańtardan profılaktıkalyq tekserýmen 2,6 mln. oqýshy qamtyldy. Aýrýdyń alǵash ret anyqtalýyna baılanysty dıspanserlik esepke 306 myń oqýshy tirkeldi, onyń ishinde 25 myń bala kanıkýl kezinde shıpajaılarǵa jiberildi», - dedi mınıstr.

T. Dúısenovanyń aıtýynsha, 144 906 oqýshy statsıonarlyq em qabyldaýǵa baǵyttaldy jáne 100 myńǵa jýyq bala ambýlatorııalyq emdelýde.

«Osy saýyqtyrý sharalarynyń nátıjesi balalar jańa oqý jylynda mektepke kelgende baǵalanady. Sol kezde biz balalardyń densaýlyq jaǵdaıyn tekserýdi qaıta bastaımyz», - dedi mınıstr.