Qazaqstanda daryndy memlekettik qyzmetkerlerdi basqarý júıesi qurylady
ASTANA. 5 qyrkúıek. QazAqparat - Daryndy memlekettik qyzmetkerlerdi basqarý júıesin qurý - bizdiń aldymyzda turǵan negizgi mindetterdiń biri. Bul týraly búgin memlekettik qyzmetti jetildirý jónindegi Sarapshylar keńesiniń kezekti otyrysynda QR Memlekettik qyzmet isteri agenttiginiń tóraǵasy Álıhan Báımenov málim etti.
«Biz bilemiz, búginde damyǵan memleketterde daryndy memlekettik qyzmetkerlerge degen erekshe kózqaras qalyptasqan. Olardyń ózindik eńbek karerasy bolady. Biz de osy salada tıisti jumystardy atqarýdy kózdeımiz. Atap aıtqanda, Qazaqstanda daryndy memlekettik qyzmetkerlerdi basqarý júıesin qurylady», - dep atap kórsetti Á.Báımenov. Agenttik tóraǵasy atap kórsetkendeı, memlekettik qyzmetkerlerdiń eńbegin baǵalaýdyń jańa júıesin engizý de - alda turǵan mańyzdy mindetterdiń biri. Bolashaqta osy baǵalaý júıesi qyzmetkerdiń eńbek jolyn anyqtaıtyn bolady.
