Qazaqstanda dárilik zattardy satyp alýdy uıymdastyrý jáne ótkizý erejeleri ózgertildi

Qazaqstan Respýblıkasy Úkimetiniń qaýlysy №229

2015 jylǵy 14 sáýir, Astana, Úkimet Úıi

«Tegin medıtsınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfektsııalyq) preparattardy, medıtsınalyq maqsattaǵy buıymdar men medıtsınalyq tehnıkany, farmatsevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» Qazaqstan Respýblıkasy Úkimetiniń 2009 jylǵy 30 qazandaǵy №1729 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi:

1. «Tegin medıtsınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfektsııalyq) preparattardy, medıtsınalyq maqsattaǵy buıymdar men medıtsınalyq tehnıkany, farmatsevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» Qazaqstan Respýblıkasy Úkimetiniń 2009 jylǵy 30 qazandaǵy №1729 qaýlysyna (Qazaqstan Respýblıkasynyń PÚAJ-y, 2009 j., № 47-48, 444-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Tegin medıtsınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfektsııalyq) preparattardy, medıtsınalyq maqsattaǵy buıymdar men medıtsınalyq tehnıkany, farmatsevtıkalyq qyzmetterdi satyp alýdy uıymdastyrý jáne ótkizý erejesinde: 2-tarmaqta: 27) jáne 28) tarmaqshalar mynadaı redaktsııada jazylsyn: «27) qarjylyq lızıng sharty - osy Erejege sáıkes lızıng berýshi ónim berýshiden lızıng alýshy kórsetken lızıng nysanasyn óz menshigine satyp alýǵa jáne Qazaqstan Respýblıkasynyń azamattyq zańnamasyna sáıkes osy lızıng nysanasyn lızıng alýshyǵa ýaqytsha ıelenýge jáne paıdalanýǵa aqyly túrde berýge mindettenetin úsh jaqty shart; 28) satyp alý týraly shart - osy Erejege jáne Qazaqstan Respýblıkasynyń ózge de normatıvtik quqyqtyq aktilerine sáıkes tapsyrys berýshi men ónim berýshi arasynda jasalǵan, jazbasha nysanda tirkelgen, oǵan barlyq qosymshalarmen jáne tolyqtyrýlarmen, sondaı-aq shartta siltemesi bar barlyq qujattamasymen taraptar qol qoıǵan shart;»;

13-tarmaqtyń 4) tarmaqshasy mynadaı redaktsııada jazylsyn: «4) ólsheý quraldaryna jatatyn medıtsınalyq tehnıka Qazaqstan Respýblıkasynyń ólshem birligin qamtamasyz etý týraly zańnamasyna sáıkes Qazaqstan Respýblıkasynyń ólshem birligin qamtamasyz etýdiń memlekettik júıesi tizilimine engizilýi tıis.»;

15-tarmaq mynadaı redaktsııada jazylsyn: «15. Tenderdi uıymdastyrýshy dárilik zattardy, profılaktıkalyq (ımmýndyq-bıologııalyq, dıagnostıkalyq, dezınfektsııalyq) preparattardy, medıtsınalyq maqsattaǵy buıymdardy, medıtsınalyq tehnıkany, farmatsevtıkalyq kórsetiletin qyzmetterdi aldaǵy satyp alý týraly tenderlik ótinimderdi qabyldaý aıaqtalatyn kúnge deıin keminde kúntizbelik 15 kún buryn aptasyna úsh retten sıretpeı shyǵarylatyn jáne Qazaqstan Respýblıkasynyń aýmaǵynda taralatyn merzimdi baspa basylymynda memlekettik jáne orys tilderinde jarııalaý jáne aqparatty tenderdi uıymdastyrýshynyń/satyp alýdy uıymdastyrýshynyń ınternet-resýrsynda ornalastyrý arqyly áleýetti ónim berýshilerdi habardar etedi.»;

88-2-tarmaq mynadaı mazmundaǵy ekinshi bólikpen tolyqtyrylsyn: «Eger: 1) lızıngtik tólemderdi tegin medıtsınalyq kómektiń kepildik berilgen kólemi esebinen óteý tetigi bolmasa; 2) qarjylyq lızıng sharty qarjylyq lızıng sharttary men talaptaryna sáıkes kelmese, medıtsınalyq tehnıka qarjylyq lızıng sharttarynda satyp alynbaıdy.»; 88-3-tarmaq mynadaı redaktsııada jazylsyn: «88-3. Medıtsınalyq tehnıkany satyp alýdy uıymdastyrýshy qarjylyq lızıng sharttarynda satyp alynbaıtyn quny 5000000 (bes mıllıon) teńgeden 50000000 (elý mıllıon) teńgege deıingi medıtsınalyq tehnıkany, quny 50000000 (elý mıllıon) teńgeden joǵary, sondaı-aq birizdendirýdi talap etetin medıtsınalyq tehnıkany osy Erejeniń 8-2-taraýyna sáıkes oblystyq bıýdjetterge, Astana jáne Almaty qalalarynyń bıýdjetterine jergilikti deńgeıdegi medıtsına uıymdaryn materıaldyq-tehnıkalyq jaraqtandyrýǵa beriletin aǵymdaǵy nysanaly transfertterdi qosa alǵanda, respýblıkalyq bıýdjet qarajatynyń esebinen satyp alady. Suraý salynǵan medıtsınalyq tehnıkanyń klınıkalyq-tehnıkalyq negizdemesine, tehnıkalyq sıpattamasyna jáne qunyna saraptamany lızıng berýshi júrgizedi.»;

88-6-tarmaqta: ekinshi bólik mynadaı redaktsııada jazylsyn: «Lızıng berýshi tehnıkalyq, uıymdyq saraptamany jáne qun, sondaı-aq qarjylyq lızıng sharttary men talaptaryna sáıkestik saraptamasy júrgizilgennen keıin on jumys kúni ishinde satyp alý josparlanǵan medıtsınalyq tehnıkanyń tizbesin ázirleıdi, ony alǵan sátten bastap kúntizbelik on bes kún ishinde medıtsınalyq tehnıkanyń tizbesin kelisýdi júzege asyratyn densaýlyq saqtaý salasyndaǵy ýákiletti organǵa sany jáne jetkizý orny bóliginde kelisýge jiberedi.»; tórtinshi, besinshi abzatstar mynadaı redaktsııada jazylsyn: «Ónim berýshilerdi aıqyndaý qorytyndysy boıynsha lızıng berýshi on bes jumys kúni ishinde densaýlyq saqtaý uıymdarymen jáne medıtsınalyq tehnıkany berýshimen lızıng berýshi aıqyndaǵan nysan boıynsha qarjylyq lızıng shartyn jasasady. Qarjylyq lızıng sharty jasalǵannan keıin ónim berýshi densaýlyq saqtaý uıymyna lızıng nysanasyn usynady, osy shartta kózdelgen tártippen jáne jaǵdaılarda iske qosý-baptaý jumystaryn, personaldy oqytýdy jáne medıtsınalyq tehnıkaǵa kepildik berilgen servıstik qyzmet kórsetýdi júrgizedi. Bul rette medıtsınalyq tehnıkaǵa kepildik berilgen servıstik qyzmet kórsetý medıtsınalyq tehnıka paıdalanýǵa berilgen kúnnen bastap keminde otyz jeti aıdy quraýy tıis.»; 88-7-tarmaq alyp tastalsyn;

93-tarmaqtyń ekinshi bóligi mynadaı redaktsııada jazylsyn: «Komıssııa qurý týraly sheshim qabyldanǵan kezden bastap ol satyp alý týraly shart nemese qarjylyq lızıng sharty kúshine engenge deıin jumys isteıdi.»;

129-1-tarmaq mynadaı redaktsııada jazylsyn: «129-1. Tender jeńimpazynyń qaǵaz jáne doc* formatynda elektrondyq túrdegi tehnıkalyq erekshelikteriniń kóshirmelerin qosa bere otyryp, medıtsınalyq tehnıkany satyp alý boıynsha eki kezeńdi ásimder paıdalanylatyn tender qorytyndylary týraly hattamanyń notarıaldy kýálandyrylǵan kóshirmelerin tenderdiń qorytyndysy shyǵarylǵan kúnnen bastap bes jumys kúni ishinde medıtsınalyq tehnıkany satyp alýdy uıymdastyrýshy tapsyrys berýshilerdiń tender jeńimpazdarymen osy Erejege 7-qosymshaǵa sáıkes jasalǵan medıtsınalyq tehnıkany satyp alý sharttaryn (budan ári - satyp alý sharty) nemese qarjylyq lızıng shartyn jasasýy úshin qabyldaý-berý aktisi boıynsha tapsyrys berýshilerge berýge tıis.»;

131-tarmaqtyń 5) tarmaqshasy mynadaı redaktsııada jazylsyn: «5) ónim berýshi jetkizý shartynyń nemese satyp alý shartynyń, qarjylyq lızıng shartynyń talaptaryn oryndamaǵandyqtan, tıisinshe oryndamaǵandyqtan jetkizý sharty nemese satyp alý sharty, qarjylyq lızıng sharty buzylǵanda. Bul jaǵdaıda biryńǵaı dıstrıbıýtor nemese medıtsınalyq tehnıkany satyp alýdy uıymdastyrýshy buzylǵan jetkizý shartynyń nemese satyp alý shartynyń, qarjylyq lızıng shartynyń belgilengen baǵasynan aspaıtyn baǵa boıynsha dárilik zattardyń, medıtsınalyq maqsattaǵy buıymdardyń jáne medıtsınalyq tehnıkanyń qalǵan kólemine osy Erejede belgilengen biliktilik talaptaryna sáıkes keletin zańdy tulǵadan nemese kásipkerlik qyzmetti júzege asyratyn jeke tulǵadan bir kózden satyp alýdy júzege asyrýǵa quqyly. Eger tender jeńimpazy otandyq taýar óndirýshi bolyp belgilengen jaǵdaıda, atalǵan tarmaqtyń talaptary qoldanylmaıdy;»;

133-tarmaqtyń birinshi bóliginiń 3) tarmaqshasy mynadaı redaktsııada jazylsyn: «3) jetkizý sharty nemese satyp alý sharty, qarjylyq lızıng sharty jasalatyn áleýetti ónim berýshiniń ataýy jáne ornalasqan jeri jáne mundaı sharttyń baǵasy.»; 142-1-tarmaq mynadaı redaktsııada jazylsyn: «142-1. Ónim berýshi tehnıkalyq erekshelikten aýytqıtyn medıtsınalyq tehnıkany usynǵan jáne/nemese osy medıtsınalyq tehnıkanyń jetkizilýi josparlanǵan densaýlyq saqtaý uıymynyń beıinine, baǵytyna jáne qyzmet túrine sáıkes kelmegen jaǵdaıda, lızıng berýshiniń tender jeńimpazymen qarjylyq lızıng shartyn jasasýdan bas tartýǵa quqyǵy bar. Búl jaǵdaıda lızıng berýshi qarjylyq lızıng sharttarynda medıtsınalyq tehnıkany satyp alatyn densaýlyq saqtaý uıymynyń jazbasha habarlamasynyń negizinde satyp alýdy uıymdastyrýshyny jáne tender jeńimpazyn qarjylyq lızıng shartyn jasasýdan bas tartatyny týraly habardar etedi.».

2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K.MÁSІMOV