Qazaqstanda dárigerlerge qaralý 20 paıyzǵa qymbattaǵan
ALMATY. QazAqparat - Tamyz aıyndaǵy kórsetkishter boıynsha Qazaqstanda dárigerlerge qaralý jyl basynan beri 20 paıyzǵa qymbattady.
Naqtyraq aıtqanda, analızder 10-11 paıyzǵa ÝDZ (ÝZI) 13 paıyzǵa qymbattady, dep jazady mamandar ranking.kz saıtynda.
Medıtsınalyq qyzmetter negizinen Almaty men Astanada qymbattaǵan.
«Jaz mezgiliniń sońynda dárigerge qaralý Qazaqstan boıynsha 2041 teńge bolǵan. Bul byltyrǵy jyldyń sáıkes kezeńimen salystyrǵanda 20 paıyzǵa qymbat. Dárigerge tekserilý el boıynsha almatylyqtar úshin qymbatqa túsken (3677 teńge). Eń arzan emdelgender qaraǵandylyqtar bolyp otyr. Olarda - 1253 teńge. Qostanaıda aıtarlyqtaı qymbattaǵan, sáıkes kezeńmen salystyrǵanda baǵa 56,9 paıyzǵa artyp, 2413 teńgege jetken», delingen habarlamada.
Medıtsınalyq ortalyqtar 2016 jyldyń alǵashqy jarty jyldyǵynda qazaqstandyqtarǵa 238,7 mlr teńgeniń medıtsınalyq qyzmetin kórsetken. Bul 2015 jyldyń sáıkes kezńimen salystyrǵanda 19,2 paıyzǵa (38,5 mlrd) artyq. Bul salada ósim kórsetkishi Almatyda baıqalǵan.
Aýrýhanalarda 134 mlrd teńgeniń medıtsınadyq qyzmeti kórsetilgen. Sonyń ishinde, 34,7 mlrd teńge ota jasaý bólimderiniń enshisinde. Al 11 paıyzy gınekolog mamandarǵa tıesili.
