Qazaqstanda dárigerlerdiń biliktilik deńgeıi avstrııalyq medbıkelerdiń deńgeıinen tómen - N. Nazarbaev
ASTANA. Naýryzdyń 5-i. Qazaqparat /Ernur Aqanbaı/ - Qazaqstanda dárigerlerdiń biliktilik deńgeıi avstrııalyq medbıkelerdiń deńgeıinen tómen. Búgin Aqordada Qazaqstannyń áıelder qaýymynyń ókilderimen kezdesýinde Elbasy Nursultan Nazarbaev osylaı aıtty,
dep habarlaıdy QazAqparat.
«Medıtsınalyq ortalyqtar keshenin avstrııalyq kompanııaǵa bergenimizde, olar Avstrııadan dárigerlerdi, medbıkelerdi alyp keldi. Bizdiń dárigerlerimizdiń biliktilik deńgeıi osynda kelgen avstrııalyq medbıkelerdiń deńgeıinen tómen. Buǵan eshqandaı ókpe bolmaýy tıis. Bizdiń dárigerler buǵan kináli emes, olar basqa bilim berý júıesi boıynsha oqydy», dedi Elbasy.
Osy oraıda Elbasy bilim berý jáne densaýlyq saqtaý salalaryndaǵy kadrlardy daıyndaýdyń deńgeıin qajettigin atap kórsetti. «Bul jerde bilim berýdiń múldem basqa deńgeıine ótý jaıynda sóz bolyp otyr. Óıtpegende, biz basqalardan qalyp qoıamyz. Buny bizdiń jastar túsinýleri tıis», dedi Elbasy.
Memleket basshysynyń aıtýynsha, Qazaqstanda ártúrli deńgeıdegi kadrlardy daıyndaý sapasyn arttyrýǵa barlyq múmkindik bar.
