Qazaqstanda dárigerler men medqyzmetkerler jalaqysy 24,7 paıyzǵa ósti
2021 tórtinshi toqsanynda elimizdegi densaýlyq saqtaý jáne áleýmettik qyzmet kórsetý salasynda 548,3 adam jumyspen qamtylǵan.
Bul bir jyl burynǵy derekten 5,2 paıyzǵa kóp. 2020 jyldyń dál osyndaı kezinde bul salada 521 myń adam jumyspen qamtylǵan edi.
Óńirlik shekte Almaty oblysynda atalǵan sektorda jumyspen qatylǵandardyń úlesi basym — 68,7 maman.
Odan keıingi orynda Almaty qalasy men Shyǵys Qazaqstan oblysy tur.
Al sektordaǵy jumyspen qamtylǵandardyń sany eń azy — Atyraý oblysy. Óńirde sala mamandarynyń sany - 13,9 myń adam.
Degenmen, 2020 jylǵa qaraǵanda respýblıkadaǵy dáriger tapshylyǵy 38 paıyzǵa azaıyp otyr. Alaıda, árbir aýdandyq aýrýhanada neonatolog, pedıatr, kardıolog, lor-dáriger jáne basqa da mamandar jetispeıdi.
2021 tórtinshi toqsanynda qalalarda densaýlyq saqtaý jáne áleýmettik qyzmet kórsetý salasynda jumyspen qamtylǵandar 358,3 myń adamdy qurady.
Al aýyldarda nebári 190 myń maman qyzmet etedi.
Ótken jyly densaýlyq saqtaý jáne áleýmettik qyzmet kórsetý salasyndaǵy ortasha ataýly jalaqy 246,2 myń teńgeni qurady. Bul bir jyl burynǵy jalaqydan 24,7 paıyzǵa joǵary.
Óńirler arasynda bárinen de elordalyq mamandardyń jalaqysy joǵary — 316,9 myń teńge. Ósim 12,5 paıyzdy quraıdy.
Jalaqy joǵary óńirlerdiń úshtigine Almaty qalasy men Atyraý oblysy kiredi.
Densaýlyq saqtaý salasyndaǵy ortasha jalaqy 251,5 myń teńge, bul bir jyl burynǵy kórsetkishten 24,1 paıyzǵa kóp.
Onyń ishinde aýrýhana qyzmetkerleri ortasha 263,1 myń teńge, dárigerlik jáne stomatologııalyq tájirıbe qyzmetkerleri 236,4 myń teńge, densaýlyq saqtaý boıynsha ózge de qyzmetpen aınalysqan qyzmetkerler 229,3 myń teńge aldy.
