Qazaqstanda dárigerler ekpe jasaǵanda patsıenttiń allergııalyq reaktsııasyn eskerýi kerek
QR Densaýlyq saqtaý mınıstri «Qazaqstan Respýblıkasynda allergologııalyq jáne ımmýnologııalyq kómek kórsetýdi uıymdastyrý standartyn bekitý týraly» QR Densaýlyq saqtaý mınıstriniń 2017 jylǵy 26 maýsymda № 446 buıryǵyna ózgerister men tolyqtyrýlar engizý týraly» buıryqqa qol qoıdy.
«Atalmysh qujat halyqaralyq standarttarǵa sáıkes patsıenttiń qaýipsizdigin qamtamasyz etý jáne allergııalyq reaktsııalardyń aldyn alý maqsatynda medıtsınalyq dári-dármekterdi engizý kezindegi medıtsınalyq qyzmetkerlerdiń áreketterin retteıdi», - delingen habarlamada.
Onda dári - dármekterdi (ásirese antıbıotık, anestetık, mıorelaksant, neıroleptık, antıkoagýlıant, aqýyz nemese sarysý negizindegi preparat, rentgenkontrasty zattar) qoldana otyryp, medıtsınalyq kómek kórsetýdiń kez kelgen kezeńinde qoldanýǵa múmkindik beretin, patsıentti aýyr allergııalyq reaktsııalardyń órshýin qaýipsizdendiretin, dárilik asa joǵary sezimtaldyqty dıagnostıkalaý úshin túsiný jáne qoldanýdyń qarapaıym algorıtmi usynylǵan.
Tabletka preparattardy taǵaıyndaýdan bastap reanımatsııada aýyr jaǵdaılarǵa deıin ár túrli jaǵdaılarda qoldanylýǵa múmkin bolatyn, dári-dármektik asa joǵary sezimtaldyqty dıagnostıkalaý ádisin tańdaý joldary usynylǵan.
Elimizde ret bastapqy ımmýndyq tapshylyq kúdigi bar patsıentterdi mekemege joldaý algorıtmi bekitildi, bul patsıentterdiń osy aýyr sanatyna ýaqtyly mamandandyrylǵan medıtsınalyq kómek kórsetýge múmkindik beredi.
DSM baspasóz qyzmetiniń málimetinshe, atalmysh qujat 2009 jylǵy 18 qyrkúıektegi «Halyq densaýlyǵy jáne densaýlyq saqtaý júıesi týraly» kodeks pen 2016-2019 jyldarǵa arnalǵan «Densaýlyq» memlekettik baǵdarlamasyn júzege asyrý sheńberinde bekitilgen.
Esterińizge sala keteıik, byltyr qyrkúıek aıynda Astanadaǵy aýrýhanalardyń birine júgingen 28 jastaǵy kelinshek ekpeden keıin allergııalyq reaktsııa berip kóz jumǵan bolatyn.