Qazaqstanda dáriger, júrgizýshi, ınjener, medbıke sekildi mamandar tapshy

NUR-SULTAN. QazAqparat - Elordanyń jumyspen qamtý ortalyǵy «Elektrondyq eńbek bırjasy» ınternet-portaly arqyly bos jumys oryndaryn tolyqtyrý, izdenýshilerge jumys ornyn qarastyrý boıynsha jumys berýshilermen birlese qyzmet etedi, dep habarlaıdy QazAqparat qala ákimdiginiń resmı saıtyna silteme jasap.

Elektrondyq eńbek bırjasy jumysqa ornalastyrý úderisin jeńildetý úshin jumys isteıdi, onda izdenýshi onlaın tirkelip, óz túıindemesin ornalastyra alady.

Statıstıkaǵa súıensek, búgingi kúni www.enbek.kz portalynda 5 491 bos jumys orny bar, onyń ishinde 443 bos jumys orny ıkemdi kesteli.

Jumys berýshiler arasynda www.enbek.kz elektrondyq eńbek bırjasynda dáriger, júrgizýshi, ınjener, tárbıeshi, kassır, medbıke sekildi mamandyqtar suranysqa ıe. Al izdenýshiler arasynda kúzetshi, zańger, únemdeýshi, esepshi, is-júrgizýshi mamandyqtary jıi qaralady.

J umyspen qamtý ortalyǵyna júginý úshin jumys izdeýshi tulǵa ETsQ arqyly tirkeýden ótýi qajet. Ótinish bildirgennen keıin, azamattyń qoldanystaǵy baǵdarlamalar, jumysqa ornalastyrý nusqamalary nemese kásiptik bilim alý týraly tegin keńes alýǵa múmkindigi bar.

Jumysqa ornalasý máselesi boıynsha «Órken» ІO ornalasqan Nur-Sultan qalasy ákimdiginiń Halyqty jumyspen qamtý ortalyǵyna habarlasýǵa bolady.