Qazaqstanda dári-dármektiń satylymy onlaın rejımde baqylanbaq
Ulttyq saraptama ortalyǵy dırektorynyń orynbasary Bolat Jantýrıevtiń aıtýynsha, elektrondy júıe arqyly Qazaqstanǵa syrttan keletin árbir preparatty baqylaýǵa bolady. Sóıtip, em-domnyń qaı dárixanada satylǵanyn, sondaı-aq, qaı medıtsınalyq mekemede berilgenin kórýge bolady. Baqylaý júıesin 2023 jylǵa qaraı engizý josparlanǵan. Oǵan deıin densaýlyq salasyn tsıfrlandyrý sharalary aıaqtalýy qajet.
«Tsıfrovızatsııa iske asqanda árbir dári-dármektiń qaptamasynda arnaıy kod bolady. Sol arqyly biz preparattyń qaıda jiberilgenin, qaı dárixanada berilgenin, qaı medıtsınalyq mekmeler arqyly ótkenin - bárin kóre alamyz. Osynyń arqasynda óz jumysyn durys atqarmaıtyn taýar jetkizýshilerdi de anyqtaýǵa múmkindik bar», - dedi B.Jantýrıev baqylaý júıesin talqylaýǵa arnalǵan keńeste.
Dúnıejúzilik densaýlyq saqtaý uıymynyń málimetine sáıkes, damýshy memleketterde kontrafaktilik dári-dármekterdiń úlesi 50 protsentke deıin jetýi ábden múmkin. Batysta atalǵan kórsetkish 1-10 protsentti quraıdy. Reseılik sarapshylardyń aqparaty boıynsha, Qazaqstanda zańsyz medıtsınalyq preparattardyń kólemi 20-30 protsentke deıin jetedi.
foto:moldovenii.md