Qazaqstanda dári-dármekterdi jarnamalaýǵa tyıym salynbaq

ASTANA. QazAqparat - QR Densaýlyq saqtaý mınıstrliginiń jaýapty hatshysy Bolat Tókejanov «Halyq densaýlyǵy jáne densaýlyq saqtaý júıesi týraly» kodeks jobasy kontseptsııasynyń keıbir erejeleri týraly pikir bildirdi, dep habarlaıdy QazAqparat tilshisi.

«Donorlyq organdardy jarnalamaýǵa tyıym salynady. Jańa kodeks jobasynda birqatar tyıym salatyn normalaryn qarastyrmaqpyz. Bul eń aldymen, jarnamaǵa qatysty. DDSU jáne basqa uıymdardyń zertteýleri bar. Ondaı jarnamalardy qaraý adam densaýlyǵyna zııan tıgizedi», - deıdi Densaýlyq saqtaý mınıstrliginiń ókili.

Jańa kodeks jáne oǵan qatysty «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgertýler men tolyqtyrýlar engizý týraly» zań jobasy aıasynda dárilik zattardy jarnamalaýǵa tyıym salynýy múmkin.

«Jarnama adam pıshıkasyna áser etedi. Shyndyǵynda, belgili erejeler bar. Bul antıbıotıkterge de qatysty. Olardy shamalan tys qabyldaý adam densaýlyǵyna qaýipti. Ekinshisi - temeki tartý. Fılmderde. Jasqa qatysty shekteý tek fılmniń basynda ǵana shyǵady, al temeki tartatyn sátter fılmniń ortasynda nemese sońynda da bolady», - deıdi B. Tókejanov.