Qazaqstanda dári-dármekter boıynsha tegin baılanys jelisi bar
«Bul tegin telefon jelisi 2011 jyldan bastap turǵyndar men medıtsına qyzmetkerlerin aqparattandyrý maqsatynda qosylǵanyn eske salǵym keledi. Elimizdiń aýmaǵynda kez kelgen statsıonarlyq telefonnan qońyraý shalý – tegin», – dedi Dárilik zattardy utymdy paıdalaný ortalyǵynyń basshysy Gúlzıra Júsipova.
Onyń aıtýynsha, – 8 800 080 88 87 nómirine qońyraý shala otyryp, árkim tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý aıasynda dárilik preparattar týraly, sondaı-aq azamattardyń tegin dárilerge quqyqtary, preparattardyń tıimdiligi, sondaı-aq yqtımal janama reaktsııalar týraly tolyq obektıvti ári shynaıy aqparat ala alady. Medıtsına qyzmetkerleri preparattardyń ózara úılesýi, klınıkalyq nusqaýlarǵa sáıkes dárilik zattardy durys taǵaıyndaý máseleleri boıynsha dáleldi medıtsına jáne dárilik zattar jónindegi halyqaralyq derekqorlar negizinde konsýltatsııa ala alady.
2020 jyly COVID-19 pandemııasyna baılanysty kelip túsken telefon baılanystaryn taldaý nátıjeleri boıynsha qońyraýlardyń deni koronavırýs ınfektsııasyna jáne ınfektsııa sanyn azaıtý úshin memlekettik is-sharalar boıynsha (20,72%) kelip tústi. Halyqty sondaı-aq TMKKK aıasynda tegin dári‑dármekter men medıtsınalyq qyzmetterge quqyqtar týraly, onyń ishinde COVID‑19 (15,24%) kezinde, dárihanalarda maskalar men antıseptıkterdiń bolmaýy boıynsha, COVID‑19 koronavırýstyq ınfektsııasyn anyqtaýǵa arnalǵan testter, COVID‑19 koronavırýstyq ınfektsııasy kezinde emdeý algorıtmi boıynsha máseleler tolǵandyrdy. Budan basqa, TMKKK aýqymynda medıtsınalyq kómek kórsetý jaǵdaılaryna jáne dárilik zattarmen tıisinshe qamtamasyz etilmeý (16,95%) týraly shaǵymdar kelip tústi.
Aıta keteıik, ortalyqtyń veb-saıtynda koronavırýstyq ınfektsııany dıagnostıkalaý jáne emdeý hattamasyna engizilgen dárilik zattardy durys qoldaný týraly aqparatqa tez qol jetkizý úshin https://www.knf.kz veb-saıtynda «COVID-19» aıdary ashyldy. Ortalyq saıtynyń atalǵan aıdaryna kirip, emdelýshilerge arnalǵan jadynamalardy, Ulttyq klınıkalyq hattamanyń sońǵy jańartylǵan nusqasyn, «Koronavırýstyq ınfektsııa – COVID-19» klınıkalyq hattamasynda usynylǵan dárilik zattarǵa arnalǵan monografııalardy taba alady.