Qazaqstanda dári-dármek jetkizýshiler arasynda baǵa kelisimi belgileri anyqtaldy

NUR-SULTAN. QazAqparat - Dárilik zattardy ótkizýshilerdiń atyna 152 habarlama shyǵaryldy. Bul týraly QR Ulttyq ekonomıka mınıstrliginiń baspasóz qyzmetinen málim etti, dep habarlaıdy QazAqparat tilshisi.

«Qazaqstan Respýblıkasy Ulttyq ekonomıka mınıstrliginiń Básekelestikti qorǵaý jáne damytý komıtetimen monopolııaǵa qarsy baqylaý aıasynda respýblıkanyń 17 óńirinde respýblıkada fılıaly bar 43 kóterme ótkizýshiler men 109 iri bólshek saýda jelisiniń atyna dárilik zattar baǵasynyń negizsiz ósýine baılanysty baǵalyq kelisim belgileriniń bolýy týraly 152 habarlama engizildi», - delingen taratylǵan aqparatta.

Vedomstvo málimetinshe, monopolıstik qyzmetti júzege asyrý nátıjesinde alynǵan básekelestikke qarsy kelisilgen is-áreketter jasaǵany úshin tabystan (túsimnen) 3-5 paıyz mólsherinde aıyppul kózdelgen.