Qazaqstanda dári-dármek baǵasyn baqylaý boıynsha sharalar qabyldanady
NUR-SULTAN. QazAqparat – Prezıdent Qasym-Jomart Toqaev Qazaqstanda dári-dármek pen jeke qorǵanys quraldarynyń baǵasyn baqylaý úshin tıisti sharalardy qabyldaýdy tapsyrdy, dep habarlaıdy QazAqparat tilshisi.
«Memlekettik komıssııaǵa dári-dármektiń jańadan kelgen ár partııasyn sertıfıkattaý merzimin qysqartyp, aýrýhanalardyń eń birinshi kezektegi, atap aıtqanda KT, ókpeni jasandy jeldetý, gazben qamtý jáne basqa da qajettilikteri boıynsha bir jerden memlekettik tapsyrys júrgizýdiń arnaıy tártibiniń kúshin uzartýdy tapsyramyn. Sonymen qatar medıtsına qyzmetkerlerin ǵana emes, sondaı-aq arnaıy organdardyń, áleýmettik qurylymdardyń qyzmetkerlerin esepke ala otyryp, jeke qorǵanys quraldarynyń azaımaıtyn materıaldyq rezervin qurýdy júkteımin», - dedi Prezıdent koronavırýs indetiniń taralýyna qarsy kúres sharalary jónindegi keńeste.
Sonymen birge Memleket basshysy bólshek saýda jelisinde dári-dármek pen jeke qorǵanys quraldarynyń baǵasyn ósirmeý úshin tıisti sharalardy qabyldaý kerektigin eskertti.
«Qazirgi ýaqytta memleketter men korporatsııalar koronavırýsqa qarsy áleýetti vaktsınalardy testten ótkizip jatyr. Elde keńinen qoldaný úshin koronavırýs ınfektsııasyna qarsy vaktsınany satyp alý boıynsha aldyn ala kelisimderdi daıyndaý máselesin pysyqtaý kerek», - dedi Prezıdent.
