Qazaqstanda dári-dármek baǵasy qalaı retteledi

ASTANA. QazAqparat - Densaýlyq saqtaý salasyndaǵy sybaılas jemqorlyqqa qarsy kúres jónindegi Qoǵamdyq keńestiń keńeıtilgen otyrysynan keıin QR Densaýlyq saqtaý mınıstri Eljan Birtanov dári-dármek baǵasyn retteý aıasynda jasalatyn sharalar jaıynda aıtyp berdi, dep habarlaıdy QazAqparat.
None
None

«Dárilik zattardyń baǵasy máselesi boıynsha zań jobasyn daıarlap qoıdyq. Atap aıtqanda, dári-dármek baǵasyn retteý men osy protsestiń ashyqtyǵyn qamtamasyz etý úshin ýaqyt qajet ekenin belgili. Alaıda osy qyrkúıekte memlekettik satyp alý bóliginde buıryqqa ózgerister engizýge nıettimiz. Bul turǵyda anyqtalǵan problemalardy eskere otyryp, baǵanyń ary qaraı qalyptasýyna yqpal etetin bolamyz»,-dedi Birtanov.

Onyń sózine qaraǵanda, eki jyl buryn baǵany retteýdi júrgizý kezinde mınıstrlik kásipkerlerdiń adaldyǵyna senim artqan, alaıda olar bul úmitti aqtamady.

«Anyqtalǵandaı, óndirýshi kompanııalar ár elge túrli baǵany usynady. Máselen, vaktsınalar boıynsha bizge bir baǵany belgilese, TMD aıasyndaǵy basqa elge eki esege arzan beredi. Bul kompanııanyń dıstrıbýtsııa saıasaty jáne biz bul jaıynda kóbinese bile bermeımiz. Óz kezeginde kompanııalar osy múmkindikterin paıdalanyp, baǵany eki-úsh esege arttyrýdan taıynbaıdy. Biz bolsaq, ónimdi alýǵa májbúrlimiz, sebebi ónim baǵasyn birneshe tıynǵa tómendetkender jeńimpaz atanyp jatady. Keıinnen baǵanyń joǵary bolǵany anyqtalady»,-dedi Birtanov.

Bul másele boıynsha endi jalpy ustanym ózgeriske ushyrap jatyr.

«Óndirýshi kompanııalarmen tikeleı kelissózder júrgize otyryp, olardan zaýyt baǵasymen ónim alamyz. Biz atalǵan zań jobasy boıynsha óndirýshilermen talqylaýlar júrgizýdemiz jáne olar bul turǵyda túsinistik tanytýda. Osyndaı qadamdar, halyqaralyq tájirıbe bar. Árıne, bizdiń farmatsevtıkalyq bıznestiń, dıstrıbıýterlerdiń, dárihanalardyń tarapynan belgili bir qarsylyq bar, sondyqtan bizge transparenttilik pen ashyqtyq kerek. Bul halyqtyń múddesi úshin jasalady»,-dedi ol.

Foto:sputniknews.kz

Сейчас читают