Qazaqstanda dáriger tapshylyǵy 20,4%-ǵa azaıdy: aýyldyq jerlerde kórsetkish 28,3%-ǵa tómendedi
ASTANA. KAZINFORM — Qazaqstanda dáriger tapshylyǵy 2023 jylmen salystyrǵanda 20,4%-ǵa, al aýyldyq jerlerde 28,3%-ǵa qysqardy. 2025 jyly 1 760 medıtsına qyzmetkeri áleýmettik qoldaýǵa ıe boldy. Bul týraly Úkimettiń baspasóz qyzmeti málim etti.
— Búginde densaýlyq saqtaý júıesinde 280 myńnan astam medıtsına qyzmetkeri, onyń ishinde 84 myńǵa jýyq dáriger eńbek etedi. 2025 jyldyń qorytyndysy boıynsha dáriger tapshylyǵy 2023 jylmen salystyrǵanda 20,4%-ǵa, al aýyldyq jerlerde 28,3%-ǵa azaıdy, — delingen habarlamada.
Áleýmettik qoldaý sharalarymen qamtylǵan dárigerler sany 2,2 ese ósti
2025 jyly 1 760 dáriger áleýmettik qoldaý sharalarymen qamtyldy. Turǵyn úımen qamtamasyz etilgen dárigerler sany 3,3 ese ósip, 727 adamǵa jetti. Sondaı-aq aýyldyq jerlerde tapshy mamandyqtar boıynsha jumys isteıtin 529 mamanǵa 8,5 mln teńge kóleminde birjolǵy tólem berildi.
Buǵan deıin keıingi jyldary densaýlyq saqtaý salasynda tsıfrlandyrý qarqyndy damyp, medıtsınalyq qyzmetterdiń basym bóligi elektrondy formatqa kóshkenin jazdyq. Onlaın anyqtama alý, dáriger qabyldaýyna qashyqtan jazylý sııaqty qyzmetter azamattarǵa medıtsınalyq kómek alýdy jeńildetti.
