Qazaqstanda dárethana qaǵazy 1 jylda 11 paıyzǵa qymbattady
Energyprom.kz saıtynyń málimetinshe, bul kórsetkish bir jyl burynǵy kólemnen 23 paıyzǵa kóp. Degenmen, ónerkásiptik óndiris ındeksi 99,4 paıyzdy qurap, sektorda naqty shyǵarylǵan ónim kóleminiń qysqarǵanyn kórsetip otyr. Óńirler arasynda qaǵaz jáne qaǵaz ónimderiniń basym bóligi Almaty oblysynda (6,4 mlrd teńge), Almaty qalasynda (5,2 mlrd teńge) jáne Shyǵys qazaqstan oblysynda (1,6 mlrd teńge) shyǵarylǵan.
Jalpy Qazaqstannyń qaǵaz jáne qaǵaz buıymdary sektory ımportqa táýeldi. Aıtalyq, osy jyldyń qańtarynda jergilikti kompanııalar ishki naryqtyń dápterge suranysyn 69,8 paıyzǵa ǵana qamtyp otyr. Al bir jyl buryn bul kórsetkish 88,2 paıyz bolǵan edi. Onyń ústine sýlyq, maılyq, jaıalyq, tampon syndy sanıtarlyq-gıgıenalyq taýarlardyń 96,4 paıyz shet elderden jetkiziledi.
Qaǵaz nemese kartonnan korrespondentsııaǵa arnalǵan ónimder, hatqalta, ashyq hat, sonymen qatar qaǵazdan jasalǵan qorap, sómke, qoıyndápter syndy ónimderdiń 45,4 paıyzyn otandyq kompanııalar qamtamasyz etip otyr. Bir jyl buryn bul kórsetkish nebári 28,7 paıyz boldy.
Qazaqstan kompanııalary ishki naryqta tutynylatyn dárethana qaǵazynyń, oramaldyń, sýlyq pen maılyqtyń 70,9 paıyzyn óndiredi. Aıta keterligi, osy jyldyń naýryz aıynyń qorytyndysynda dárethana qaǵazy jyl ishinde 11,3 paıyzǵa qymbattady. Óńirler arasynda Atyraý oblysynda dárethana qaǵazy birden 31,5 paıyzǵa qymbattap otyr. Odan keıingi orynda elorda (plıýs 21,6%) men Qostanaı oblysy (plıýs 18,7%) tur. Al Shymkent qalasynda ne bári eki paıyzǵa ósken.
Resmı derekterge qaraǵanda, A4 qaǵazy bir jyldyń ishinde 4,4 paıyzǵa ósken. Biraq qazaqstandyqtar da, dıstrıbıýterler de munyń shyndyqqa janaspaıtyndyǵyn alǵa tartady.
Máselen, ABDI kompanııasynyń dereginshe, osy jyldyń birinshi toqsanynda A4 qaǵazynyń bólshek saýdadaǵy baǵasy birden 100 paıyzǵa qymbattaǵan. Naqty aıtar bolsaq, Svetocopy A4 (500 paraq) keńse qaǵazynyń quny 1 qańtarda 1 495 teńge bolsa, 30 naýryzda baǵa 3000 teńgege jetken.
Aıta keterligi, sáýir-mamyr aılarynyń ishinde Reseıden Qazaqstanǵa qaǵaz jetkizý qaıta turaqtalady.
Osyǵan deıin Qazaqstanda azyq-túlik ımportynyń jańa rekordy tirkelgenin jazǵanbyz.
