Qazaqstanda dári-dármekti tańbalaý qalaı júrip jatyr
ALMATY. KAZINFORM — Elde 2019 jyldan bastap dárilik zattardy tańbalaý men qadaǵalaýdy engizý boıynsha josparly jumys júrgizilip jatyr.
— Atap aıtqanda, normatıvtik quqyqtyq baza daıyndalyp, tańbalaýdyń bıznes-protsesteri synaldy. ıAǵnı qatysýshyny tirkeý, dárilik zattardy ulttyq katalogta tirkeý, tańbalaý kodtarynyń emıssııasy, eldiń óndiristik alańdarynda tańbalaý kodtaryn tikeleı qoldaný tásilimen dárilik zattardy bir menshik ıesinen ekinshisine berý, aınalymnan shyǵarý jumystary pılottyq jobada qamtyldy, — delingen Densaýlyq saqtaý mınıstrligi Kazinform saýalyna joldaǵan jaýapta.
Vedomstvodan málim etkendeı, jobaǵa otandyq jáne sheteldik óndirýshiler, SK-Farmatsııa JShS, dıstrıbıýtorlar, medıtsınalyq uıymdar, jalpy 23 uıym qatysty.
Pılottyq baǵdarlama aıasynda DataMatrix dárilik zatynyń qaptamasyna salynǵan kodtyń kómegimen óndirýshiden medıtsınalyq jáne dárihana uıymdarynda aınalymnan shyǵarýǵa deıingi qadaǵalaý protsesi tekserildi.
— Dárilik zattardy tsıfrlyq tańbalaý jáne qadaǵalaý júıesi dárilik zattardyń aınalymyn anaǵurlym aıqyn etedi jáne kontrafaktilik ónimderdiń aınalymynan qorǵaýdyń negizgi quraldarynyń biri. POS-termınaldar kómegimen skanerleýge bolady. Árbir dárilik zattyń qaptamasynda biregeı Data Matrix tsıfrlyq kodtary bar. Bul satyp alynatyn preparattyń orgınınal ekenin tekserýge múmkindik beredi. Qazir taýarlardy tańbalaý men qadaǵalaýdyń aqparattyq júıesinde 19 otandyq taýar óndirýshi, 276 kóterme satý sýbektisi, bólshek saýdada ótkizýdiń 3172 sýbektisi, MÁMS jáne TMKKK sheńberinde qyzmetti júzege asyratyn 19 001 medıtsına mekemesi tirkelgen, — delingen habarlamada.
Eske sala ketsek, elimizde barlyq dári-dármekti mindetti tsıfrlyq tańbalaý 2024 jyldyń 1 shildesinde engizildi.
Atalǵan shara kontrafaktilik ónimdermen kúresýge jáne dári-dármek naryǵynyń ashyqtyǵyn arttyrýǵa baǵyttalǵan.
Buǵan deıin dári-dármekti qanshalyqty zańdy jolmen jasalǵanyn tekseretin qosymsha iske qosylǵanyn jazǵan edik.