Qazaqstanda dári-dármek bıyl taǵy qymbattaýy múmkin

ASTANA. KAZINFORM — Densaýlyq saqtaý mınıstri Aqmaral Álnazarova Úkimet úıindegi baspasóz máslıhatynda dári-dármektiń baǵasy jóninde pikir bildirdi.

Mınıstrdiń aıtýynsha, byltyr keıbir dári-dármektiń baǵasy 14 protsentke kóterilgen. Bıyl dári baǵasyn retteýdiń ekinshi kezeńi josparda tur. 

«Men aıtyp otyrǵan baǵany retteýdiń ekinshi kezeńine bıyl 1 767 dári túri kiredi. Biraq birinshi jartyjyldyqta olaı istegen joqpyz. Óıtkeni taldaý jasaýǵa kirisip ketken edik. Bul taldaý sharany halyq úshin barynsha jumsaq, zardapsyz qylý úshin jasalyp jatyr», — dedi mınıstr.

Mınıstr dári baǵasynyń jazdan bastap qalaı ózgeretinin naqty boljaı almaıtynyn aıtty.

«Baǵa ósedi nemese óspeıdi dep úzildi-kesildi aıta almaımyn. Taldaý áli aıaqtalǵan joq. Sondyqtan barynsha ońtaıly sheshim qabyldaımyz dep oılaımyn», — dedi Aqmaral Álnazarova.