Qazaqstanda dándi daqyldardy jınaý aıaqtalyp qaldy - QR AShM

ASTANA. 8 qarasha. QazAqparat - Búgingi tańda dándi daqyldardy jınaý aıaqtalyp qaldy, dándi daqyldardyń 98,6% jınaldy, dep habarlady Primeminister.kz.

«Búgingi tańda dándi daqyldar jınaý sońyna taıap qaldy, dándi daqyldardyń 98,6 % jınaldy», - delingen QR AShM málimetinde. Osylaısha, aǵymdaǵy jyldyń 7 qarashasyna málimet boıynsha aýyl sharýashylyq óndirýshileri dándi daqyldardyń 20,7 mln tonnasyn jınaǵan, dándi daqyldardyń ortasha túsimdiligi gektarynan 13,3 tsentnerdi qurady, bul ótken jylǵy kórsetkishten gektaryna 3,8 tsentnerge joǵary. Astyq qabyldaý kásiporyndaryna túsken jumsaq bıdaı kóleminiń (5,2 mln tonna) 0,7% ekinshi klasty bıdaıdy, 4,5 mln tonna - úshinshi klasty (87,5 %) quraıdy. Úshinshi klastyń úlesi ótken jyldardaǵy kórsetkishterden tómen emes eken. Aıta ketý kerek, túsim boıynsha kóshbasshylar Aqmola, Qostanaı jáne Soltústik Qazaqstan oblystary bolyp tabylady, onda 12 mln. gektar alqapta 15,1 mln. tonna astyq jınaldy. Sonymen qatar, aǵymdaǵy jyly Shyǵys Qazaqstan oblysynda - 1 mln tonna, Qaraǵandy oblysynda - 0,8 mln tonna jáne Pavlodar oblysynda - 0,9 mln tonna dándi daqyldardyń mol túsimi jınaldy.