Qazaqstanda damýdyń jańa kezeńi bastalady - Qasym-Jomart Toqaev

NUR-SULTAN. QazAqparat - Memleket óziniń bazalyq fýnktsııalarynyń tolyqqandy jáne sapaly oryndalýyn qamtamasyz etýi tıis. Búgin Parlament Májilisiniń jalpy otyrysynda Memleket basshysy Qasym-Jomart Toqaev osylaı málim etti, dep habarlaıdy QazAqparat tilshisi.

«Qıyn kúnder artta qaldy. Osy sátte el taǵdyry úshin uıysa bilgen búkil halqyma shynaıy rızashylyǵymdy bildiremin. Bárimiz bul oqıǵadan sabaq alýymyz kerek. Eń bastysy, bereke-birlikti, tynyshtyq pen turaqtylyqty saqtaýymyz qajet. Eńdi, Qazaqstanda damýdyń jańa kezeńi bastalady. Bul - shynaıy jańarý kezeńi bolady. Egemen elimizdi birge órkendeteıik. Halqymyz úshin Táýelsizdik bárinen qymbat! Jańa Qazaqstandy birge quraıyq!», - dedi Memleket basshysy.

Budan buryn habarlanǵandaı, Qasym-Jomart Toqaev bıyl qyrkúıek aıyndaǵy Joldaýynda saıası reformalardyń jańa paketin tanystyrady.

«Qyrkúıek aıyndaǵy dástúrli Joldaýymda saıası reformalardyń jańa paketin tanystyramyn. Ol azamattyq qoǵam jáne sarapshylarmen keńeıtilgen ári konstrýktıvti dıalog negizinde daıyndalady. Memleket óziniń bazalyq fýnktsııalarynyń tolyqqandy jáne sapaly oryndalýyn qamtamasyz etýi tıis», - dedi Memleket basshysy.