Qazaqstanda dala órti jıilep ketti
NUR-SULTAN. QazAqparat – Respýblıka aýmaǵynda órttiń qaýipti kezeńinde 267 orman jáne 13 dala órti tirkeldi. Sondaı-aq, 1500 dala alqaby órtengen, dep habarlaıdy QazAqparat Tótenshe jaǵdaılar komıtetine silteme jasap.
Ótken jyldyń osy kezeńimen salystyrǵanda orman jáne dala órtiniń sany sáıkesinshe 21%-ǵa (221) jáne 86%-ǵa (7) artty, al dala alqaptarynyń órtke oranýy, kerisinshe, 20%-ǵa (1 869) azaıdy.
Órttiń negizgi shyǵý sebebi - adam áreketinen bolyp otyr. Tabıǵı faktor óte sırek kezdesedi.
Órttiń basym bóligi aýyl sharýashylyǵyndaǵy órtterden, kólik quraldary sóndirgishteriniń ushqynynan, qoqysty jaǵýdan, demalys oryndarynda qaraýsyz qalǵan ottan, janyp jatqan sirińkeni laqtyrýdan, sóndirilmegen temekiden, tastap ketken shyny synyqtarynan tutanady. Kún shyqqanda shyny jaryqshaqtary kún sáýlesimen shaǵylysyp, tutanady.
Orman jáne dala alqaptary men demalys oryndarynda órttiń aldyn alý maqsatynda 3 myńnan astam reıd júrgizildi. Órt qaýipsizdigi erejelerin buzǵan 596 adamǵa 2 mln tg aıyppul salynyp, jaýapqa tartyldy.
Sonymen qatar, orman jáne dala alqaptaryndaǵy órt oshaqtaryn der kezinde anyqtaý úshin avıatsııalyq patrýl júrgizilip jatyr.
