Qazaqstanda daktıloskopııalyq tirkeý týraly zań qoldanysqa enedi
ASTANA. QazAqparat - 2021 jyly daktıloskopııalyq tirkeý týraly zańnama qoldanysqa enedi. Búgin Parlament Májilisindegi Úkimet saǵatynda QR Іshki ister mınıstri Qalmuhanbet Qasymov osylaı málim etti, dep habarlaıdy QazAqparat.
«2021 jyly daktıloskopııalyq jáne genomdyq tirkeý týraly zań qoldanysqa enedi. Osyǵan baılanysty shetel azamattaryna vıza rásimdeý, turýǵa yqtııarhat nemese bosqyn mártebesin alý kezinde mindetti túrde daktıloskopııalyq tirkeý talap etiledi. Zań buzǵan shetel azamattary da osyndaı tirkelýden ótýi tıis», - dep naqtylady vedomstvo basshysy.
Onyń sózine qaraǵanda, 2014 jyldan bastap eńbek mıngranttaryna bizdiń azamattardyń jeke sharýashylyǵyna jumys isteýge ruqsat berilýi zańsyz eńbek mıgranttaryn azaıtýǵa kómektesti.
«Osy ınstıtýt engen ýaqyttan bastap mıgranttarǵa 1 mıllıondaı patent berilip, bıýdjetke salyq túrinde 10 mlrd teńgeden astam qarjy tústi», - dep qosty Q. Qasymov.
