Qazaqstanda daktıloskopııalyq tirkeý merzimi ózgertilmek

NUR-SULTAN. QazAqparat – Qazaqstandaǵy azamattardy daktıloskopııalyq tirkeý 2023 jylǵa aýystyrylmaq. Bul týraly Májilistiń jalpy otyrysynda QR Іshki ister mınıstri Erlan Turǵymbaev málim etti, dep habarlaıdy QazAqparat tilshisi.

«Zań jobasynda daktıloskopııalyq tirkeý merzimin 2023 jylǵy 1 qańtaryna deıin sozý qarastyrylǵan, sebebi qarajat jetispeı otyr», - dep túsindirdi mınıstr.

Budan buryn habarlanǵandaı, jalpy otyrysta «Memlekettik feldegerlik baılanys týraly» zań jobasy birinshi oqylymda maquldandy.

Bul qyzmettiń mindeti – Úkimettiń hat almasý jumysyn qamtamasyz etý, memlekettik organdardyń asa mańyzdy ári qupııa hattaryn tasý, arnaıy poshtalardy TMD-ǵa múshe elderge jetkizý.

Sonymen qatar Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik feldegerlik baılanys jáne ishki ister organdary qyzmetiniń máseleleri boıynsha ózgerister men tolyqtyrýlar engizý týraly» ilespe zań jobasy da birinshi oqylymda maquldandy.