Qazaqstanda dərigerler tapshylyǵy 9 paıyzǵa azaıdy

ASTANA. QazAqparat - Senattaǵy «Úzdik densaýlyq saqtaý isi - deni saý ult» taqyrybyndaǵy parlamenttik tyńdaýda Densaýlyq saqtaý mınıstri Eljan Birtanov ótken jyly dárigerler tapshylyǵy 9 paıyzǵa tómendegenin atap ótti, dep habarlaıdy QazAqparat.

«Densaýlyq saqtaý salasynda 209 myńnan astam qyzmetker, onyń ishinde 57 myń dáriger men 152 myń meıirbıkeler jumys isteıdi. 2017 jyly dáriger mamandaryna degen tapshylyq 9 paıyzǵa tómendedi», - dedi E. Birtanov.

Budan bólek ol óńirlerge dárigerlerdi tartý jáne olarǵa áleýmettik qoldaý kórsetýde jergilikti atqarýshy organdardyń mańyzdy rólin atap ótti.

«Ákimdikter óńirlerde medıtsınalyq qyzmetkerlerdi bekitý men turaqtandyrý jumystaryn tıisinshe júrgizbeı otyr dep oılaımyz. Densaýlyq saqtaý basqarmalary sharýashylyq júrgizý quqyǵyna ótken kásiporynǵa dárigerlerdiń jalaqysyn óz betinshe belgileýge múmkindik beretin medıtsınalyq uıymdardyń áleýetin jumyldyrmaı otyr. Biz bıyl arnaıy ádistemelik kómekti osy memlekettik kásiporynǵa daıyndap, jetkizemiz. Bizdiń oıymyzsha, qazirgi kezde osy densaýlyq saqtaý qarjylandyrý kóleminde keıbir dárigerler men meıirbıkelerdiń jalaqysyn kóterýge ár mekemeniń óziniń múmkindikteri mol»,- dedi mınıstr.

Foto: benhmantinh.vn