Qazaqstanda COVID-2019 patsıentterin emdemeıtin 82 dáriger koronavırýsty juqtyryp alǵan

NUR-SULTAN. QazAqparat – QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Lıýdmıla Bıýrabekova COVID-2019 aýrýynyń patsıentterin emdemeıtin dárigerlerdiń arasynda koronavırýsty juqtyrý faktisi artyp bara jatqanyn málim etti, dep habarlaıdy QazAqparat tilshisi.

«COVID-2019 aýrýymen jatqan patsıentterdi emdeýge, kútýge tartylmaǵan densaýlyq saqtaý uıymdarynyń medıtsınalyq qyzmetkerleriniń arasynda koronavırýs ınfektsııasyn juqtyrǵan azamattardyń sany da tez ósip kele jatqanyn atap ótý kerek. Sonymen qatar atalǵan kontıngent mańyzdy epıdemologııalyq bólim sanalady. ıAǵnı bul sanat ınfektsııany ary qaraı órshitýi múmkin oshaqqa aınalý qaýpi bar», - dedi Lıýdmıla Bıýrabekova OKQ-da onlaın rejımde ótken baspasóz máslıhatynda.

Komıtet tóraǵasy búgingi kúnge deıin COVID-2019 aýrýymen jatqan patsıentterdi emdeý jáne kútý sharalarymen aınalyspaıtyn 82 adamnyń vırýs juqtyrǵanyn aıtyp ótti.

«Juqtyrýdyń joǵary deńgeıi Nur-Sultan (36), Almaty (33) qalalarynda, sonymen qatar Atyraý (6), Aqmola (3) oblystary jáne Qaraǵandy, Qyzylorda, Soltústik Qazaqstan oblystarynda, sondaı-aq ІІM vedomstvoaralyq qyzmetinde tirkeldi», - dedi ol.

Lıýdmıla Bıýrabekova Nur-Sultanda Ulttyq ǵylymı kardıologııalyq ortalyqtan 8 adam, Ulttyq onkologııa jáne transplantologııa ortalyǵynan 16 adam, «Meıirim» medıtsınalyq ortalyǵynan 7 adamnyń koronavıýs juqtyrǵanyn málim etti.