Qazaqstanda COVID-19 kúresýde psıhologııalyq kómek saıty iske qosylady

NUR-SULTAN. QazAqparat - QR Densaýlyq saqtaý mınıstrliginiń Respýblıkalyq ǵylymı-praktıkalyq psıhıkalyq densaýlyq ortalyǵy BUU janyndaǵy Balalar qorynyń (UNISEF) qoldaýymen covid-19.mentalcenter.kz saıty quryldy, dep habarlaıdy QazAqparat QR DSM baspasóz qyzmetine silteme jasap.

Halyqqa psıhologııalyq kómek kórsetýge jáne azamattardy qoldaý úshin qurylǵan saıt 4 sáýir – senbi kúni jumysyn bastaıdy.
«Qazirgideı qıyn jaǵdaıda-koronavırýstyq ınfektsııa órshigen tusta adamdardy qoldaý úshin (UNICEF, WHO, Tótenshe jaǵdaıda psıhıkalyq densaýlyq jáne psıho-áleýmettik qoldaý boıynsha vedomstvoaralyq komıtettiń jumys toby) psıhologııalyq kómektiń úzdik halyqaralyq tájirıbesi jınaqtaldy.
Jańa saıtta oqyrman óz suraqtaryna jaýap ala alady, psıholog nemese psıhoterapevtter onlaın keńes beredi. Sizge silteme jazylǵan habarlama keledi, sol arqyly kelisilgen ýaqytta mamanmen onlaın baılanysqa shyǵýǵa bolady», deolingen habarlamada.
Bul jobaǵa elimizdiń barlyq óńirlerinen densaýlyq saqtaý, bilim berý, memlekettik, memlekettik emes sektorlar júıesinde jumys isteıtin 50-den astam maman qatysýda.