Qazaqstanda COVID-19 indeti bar 340 bala baqylaýda tur
«Koronavırýs ınfektsııasynyń pandemııasy kezeńinde balalardyń densaýlyǵyn saqtaý Qazaqstannyń densaýlyq saqtaý júıesiniń basym baǵyty bolyp otyr. Kún saıyn jańa týǵan náresteler men koronavırýstyq ınfektsııasy bar balalar jaǵdaıyna monıtorıng pen baqylaý júrgiziledi. Bıyl elimizde COVID-19 dıagnozy rastalǵan barlyǵy 3 164 bala tirkelgen, onyń ishinde 114 jańa týǵan náreste bar. Osy oraıda barlyq jaǵdaılar PTR nátıjelerimen rastalǵan», - dedi vıtse-mınıstr Ortalyq kommýnıkatsııalar qyzmetinde.
Onyń sózine qaraǵanda, COVID-19 dıagnozy zerthanalyq rastalmaǵan KVI 1810 balada tirkelgen. Balalarda COVID-19 ınfektsııasynan ólim-jitim bolǵan joq.
«Koronavırýstyq ınfektsııanyń aǵymy 85 paıyz (2697) balalarda sımptomsyz jáne jeńil boldy, 14,2 paıyzynda (448) ortasha dárejede jáne 19 balada aýyr boldy. Bul barlyq jaǵdaılardyń 0,6 paıyzyn qurady, barlyǵy statsıonarlyq jaǵdaıda emdeldi», - dedi A. Ǵınııat.
Onyń aıtýynsha, qazirgi kezde COVID-19 indeti bar 340 bala baqylaýda tur, onyń ishinde jańa týǵan 3 náreste, 18 jasqa deıingi balalar-337, emdeýge jatqyzylǵandar - 55, ambýlatorııalyq emdeýde – 285.
«7 (2,1%) bala arasynda vırýstyq pnevmonııa dıagnozy qoıylǵan, 3 (0,9%) patsıentte pnevmonııa negizinen bakterııalyq sıpatta bolady», - dedi vıtse-mınıstr.