Qazaqstanda tsıklonnyń yqpalymen jaýyn-shashyn, burqasyn, tuman, kóktaıǵaq kútilýde - 1 aqpanǵa arnalǵan aýa raıy boljamy
ASTANA. 31 qańtar. QazAqparat - Qazaqstan aýmaǵynyń basym bóligine tsıklonnyń yqpal etýi kútilýde, onymen birge 1 aqpan kúni jaýyn-shashyn ótip, keıbir jerlerde burqasyn, jeldiń kúsheıýi, tuman, kóktaıǵaq bolady.
Bul týraly Qazgıdrometke silteme jasaǵan TJM-niń baspasóz qyzmetinen habarlaıdy.
Atyraý, Mańǵystaý oblystarynda, túnde Batys Qazaqstan oblysynda keıbir jerlerde tuman, kóktaıǵaq bolýy yqtımal.
Jambyl, Ońtústik Qazaqstan, Qyzylorda oblystarynyń keıbir jerlerinde tuman, kóktaıǵaq, jeldiń 15-20 m/s deıin kúsheıýi yqtımal, Jambyl oblysynda jel ekpini 25 m/s deıin ósedi.
Aqtóbe oblysynda, kúndiz Aqmola, Shyǵys Qazaqstan, Qaraǵandy oblystarynyń keıbir jerlerinde jeldiń 15-20 m/s deıin kúsheıýi, Qaraǵandy oblysynyń keıbir jerlerinde tuman, kóktaıǵaqtyń bolýy kútiledi.
Qostanaı oblysynyń keıbir jerlerinde burqasyn bolady, jeldiń 15-20 m/s deıin kúsheıýi, tuman, kóktaıǵaq kútilýde.
Soltústik Qazaqstan oblysynyń keıbir jerlerinde tuman túsedi.
Almaty oblysynyń keıbir jerlerinde tuman túsip, kóktaıǵaq bolady, Jalańashkól mańynda jeldiń 15-20 m/s deıin, jel ekpininiń 25 m/s deıin kúsheıýi yqtımal.
Aldaǵy táýlikte Ońtústik Qazaqstan oblysyndaǵy alasa taýly ózenderde jańbyrlarǵa baılanysty sý deńgeıiniń kóterilýi múmkin. Jambyl, Almaty jáne Shyǵys Qazaqstan oblysynyń ózenderinde sý deńgeıleriniń aýytqýlary baıqalady. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeıdi.
